Marco Asensio vill heldur ganga til liðs við AC Milan en Liverpool, fari hann frá Real Madrid í sumar. Sport segir frá.

Miðjumaðurinn hefur verið orðaður við bæði félög.

Asensio rennur út á samningi hjá Real næsta sumar. Spænska félagið er því til í að hlusta á tilboð í hann og selja hann þá mögulega í stað þess að eiga á hættu að missa hann frítt næsta sumar.

Sem fyrr segir hafa bæði AC Milan og Liverpool áhuga. Sjálfur vill leikmaðurinn frekar fara til Milan þar sem hann á meiri möguleika á að spila þar.

Asensio hefur verið á mála hjá Real Madrid frá árinu 2015.