Leeds hefur hafnað fyrsta tilboði Arsenal í Raphinha. The Athletic segir frá.
Sagt er að tilboðið hafi verið langt frá því sem Leeds vill fá fyrir leikmanninn.
Arsenal hefur þó áfram mikinn áhuga á Raphinha og er ekki ólíklegt að annað tilboð berist.
Brasilíumaðurinn hefur einnig verið mikið orðaður við Barcelona. Einhverjir höfðu sagt frá því að hann hafi þegar samið við Börsunga.
Þá er Chelsea einnig nefnt til sögunnar sem hugsanlegur áfangastaður. Það er sagður vera annar kostur Raphinha á eftir Barcelona.
Raphinha hefur verið algjör lykilmaður í liði Leeds undanfarin tvö tímabil. Liðið rétt bjargaði sér frá falli í lokaumferð ensku úrvalsdeildarinnar á síðustu leiktíð.