Sadio Mane hefur útskýrt af hverju hann vildi ólmur ganga í raðir FC Bayern en allt er klappað og klárt og verður Mane kynntur til leiks.
Mane ákvað að yfirgefa Liverpool og lagði mikla áherslu á það að komast til Bayern. Hann fór í læknisskoðun í gær og skrifar svo undir í dag.
„Þegar umboðsmaður minn lét mig vita af áhuga Bayern þá var ég strax spenntur,“ sagði Mane.
„Ég sá fyrir mér um leið að ég ætti heima þarna, þetta var rétta félagið á réttum tíma. Þetta er eitt stærsta félag í heimi og berst alltaf um titla. Þetta er góð lending og rétt ákvörðun.“
„Umboðmaður minn lét mig vita af áhuga annara liða, það er hluti af þessu. Ég vildi bara Bayern eftir að þeir fóru yfir planið fyrir mig.“
