West Ham United ætlar að bjóða 30 milljónir punda í Armando Broja, leikmann Chelsea, í sumarglugganum.
Sky Sports greinir frá þessum fréttum en Broja er 20 ára gamall Albani sem gerði það gott á síðasta tímabili.
Broja spilaði ekki með Chelsea í vetur en hann var lánaður til Southampton og skoraði þar níu mörk í 30 leikjum.
Chelsea virðist ekki hafa áhuga á að nota Broja og eru miklar líkur á að hann sé til sölu í sumar.
West Ham hefur gert Broja að einu helsta skotmarki sínu í sumar en liðið er nú þegar búið að semja við varnarmanninn Nayef Aguerd sem kom frá Rennes fyrir 30 milljónir punda.
