Jack Grealish er þessa stundina í fríi í Las Vegas þar sem hann hvílir lúin bein eftir leiktíðina með Manchester City.
Grealish varð Englandsmeistari með City á leiktíðinni. Þetta var hans fyrsti meistaratitill. Hann gekk í raðir City frá Aston Villa fyrir 100 milljónir punda í fyrra.
Ensk götublöð hafa fjallað mikið um frí Grealish í Vegas. Declan Rice og Andy Robertson eru einnig á svæðinu.
Nú er sagt frá því að eitt kvöldið í Vegas hafi Grealish keypt sér VIP-pakka á skemmtistað sem færði honum 116 kampavínsflöskur.
Alls kostuðu herlegheitin 100 þúsund pund. Það gera rúmar 16 milljónir íslenskra króna.
