Það er engin skemmtun að þrífa bakstursofninn. Hann getur verið ansi skítugur eftir bakstur og eldamennsku því oft „gleymist“ að þrífa hann í langan tíma. En það er til einföld aðferð við að þrífa bakstursofna og hún er að sögn mjög áhrifarík.

Flestir kannast við að innan á ofninum er þurr fita og það er eins og það þurfi að nudda hana í óratíma til að ná henni af.

En með því að nota þrjú efni er hægt að búa til ofurofnhreinsi sem fjarlægir allra erfiðustu blettina í ofninum og auðvitað alla hina.

Það sem á að nota er:

Matarsódi

Edik

Vatn

Þess utan þarf að nota svamp.

Fylgdu bara leiðbeiningunum í myndbandinu hér fyrir neðan og ofninn verður væntanlega tandurhreinn og flottur.