Allar líkur eru á því að Donny van de Beek miðjumaður Manchester United fari á láni til Crystal Palace á næstu dögum.
Viðræður um slíkt hafa átt sér stað síðustu daga og viðræðurnar hafa þokast áfram undanfarna daga.
Ensk blöð telja að hollenski miðjumaðurinn fari til Palace en félagið fær hann á láni út þessa leiktíð.
Van de Beek hefur upplifað erfiða 18 mánuði hjá Manchester United þar sem hann hefur fengið fá tækifæri.
Van de Beek hafði slegið í gegn hjá Ajax en Patrick Vieira telur sig geta komið honum aftur í gang.
