Kristján Þór Magnússon, sveitarstjóri Norðurþings, hyggst ekki sækjast eftir endurkjöri í embætti. Um þetta uppblýsti hann á sveitarstjórnarfundi fyrr í dag en Kristján Þór hefur gegnt starfinu í tvö kjörtímabil. Fréttablaðið greinir frá.
Talsverður stormur hefur geisað um sveitarstjórann undanfarin misseri. Andstæðingar hans hafa gagnrýnt frammistöðu hans og þær raddir urðu háværari þegar hann fór í veikindaleyfi á síðasta ári. Þegar Kristján Þór sneri tilbaka var greint frá því að hann og eiginkona hans, fjölmiðlakonan Guðrún Dís Emilsdóttir, væru skilin.
„Ég mun ekki sækjast eftir starfi sveitarstjóra og mun ekki bjóða mig fyrir fyrir sveitarstjórnarkosningarnar hér í Norðurþingi,“ segir Kristján Þór í samtali við Fréttablaðið. Þá kemur fram í umfjöllun blaðsins að Kristján Þór reikni með að flytja frá Húsavík eftir kosningarnar.
Kristján Þór deildi tíðindunum einnig á Facebook-síðu sinni og þar lét sveitarstjórin eftirfarandi orð falla.
„Ég og sveitarstjórn öll óskuðum eftir ögn meiri standard í umræðuna um málefni Norðurþings á opinberum vettvangi. Er til of mikils mælst í þeim efnum? Eftirspurn eftir persónuníði, upphrópunum, rógburði og falsfréttum er engin á okkar borði.“
