Jeremy Corbyn rekur Owen Smith, skuggaráðherra í málefnum Norður-Írlands, vegna þeirrar skoðunar hans að halda eigi þjóðaratkvæðagreiðslu um Brexit samninginn þegar hann verður tilbúinn. Norður-Írland er eitt erfiðasta úrlausnarefnið í Brexit.
En er þetta ekki eðlileg krafa – að Bretar fái að greiða atkvæði um útgöngusamninginn? Sjálf Brexit atkvæðagreiðslan var aðeins já og nei. Auðvitað væri það lýðræðislega aðferðin.
Við getum tekið hliðastæðu hér á Íslandi. Engum datt í hug að Ísland gengi í ESB án þess að þjóðin fengi að kjósa um tilbúinn samning. Og margir eru þeirrar skoðunar að það hafi verið stór mistök hjá ríkisstjórn Jóhönnu Sigurðardóttur að efna ekki til þjóðaratkvæðagreiðslu um hvort sækja ætti um aðild. Sú vanræksla var eitt af því sem gróf verulega undan umsóknarferlinu.
