Sparkspekingurinn vinsæli, Hjörvar Hafliðason, segir frá því á Twitter að Óskar Örn Hauksson sé orðinn leikmaður Stjörnunnar. Hann kemur á frjálsri sölu frá KR og gerir tveggja ára samning.

Óskar Örn hefur verið í herbúðum KR í fjórtán ár og er í hópi bestu leikmanna í sögu félagsins. Hann hefur skorað 72 mörk fyrir félagið í efstu deild.

Hann er 37 ára gamall en hjá KR hefur hann orðið Íslandsmeistari þrisvar sinnum og tvisvar sinnum bikarmeistari.

Ljóst er að Óskar er mikill liðsstyrkur fyrir Stjörnuna. Liðið olli vonbrigðum í sumar og hafnaði í sjöunda sæti.

Ágúst Gylfason tók við þjálfun Stjörnunnar í haust.