Það er svona óskráð regla meðal foreldra að á meðan börnin eru lítil þá þýði lítið að ætla að eiga hvíta sófa – nema með því að skipta þeim út á nokkra mánaða fresti. Því er kannski ekki furða að fimm barna móðirin, Toni Elmer, vakti athygli á TikTok fyrir hvíta sófann sinn.
Hún ákvað að deila leyndarmálinu eftir að hafa fengið gífurlegt magn af fyrirspurnum. Hún deildi því myndskeiði þar sem hún tók gosdós og hellti úr henni beint á sófann. Síðan notaði hún bara blautþurrku til að þurrka bleytuna og ekkert sást á sófanum.
Hún greindi frá því að leyndarmálið væri í raun það að hún hafi keypt sér sófa úr efni sem hrindir frá sér óhreinindum.
„Efnið hrindir frá sér vökva svo það gleypir ekkert í sig. Þú getur bókstaflega bara tekið pappír og þurrkað þetta af.“
Hún segir að margar húsgagnaverslanir séu með sófa sem eru í „performance fabric“ eða efni sem auðvelt er að þrífa og eru þar að auki endingargóð. Einfalda bletti sé auðvelt að fjarlægja með bara smá vatni og þurri tusku.
Fylgjendur Toni virðast ekki hafa verið meðvitaðir um þetta efna.
„Ég þarf þennan sófa,“ skrifaði einn.
„Þetta er svartigaldur,“ skrifaði annar.