Sterkar vísbendingar eru um það að John Snorri og ferðafélagar hans í K2 leiðangrinum örlagaríka síðasta vetur hafi náð toppi fjallsins en látist á bakaleiðinni.

Frá þessu greina fjölskyldumeðlimir Ali Sadpara sem lést með John Snorra á K2 á Twitter. Segja þeir hafa fundið svokallaðan „fig8“ hnút á búnaði sem þeir báru er þeir létust, sem þykir benda til þess að þeir hafi verið búnir með klifrið upp á topp fjallsins, og hafi verið á leið niður er þeir lentu í stormi og létust.

Ekki er vitað til þess að neinn hafi náð toppi K2 að vetri til áður, og er því mikið kappsmál fyrir ættingja þeirra látnu að fá það staðfest í sögubækurnar að þeir hafi verið fyrstir.

for search of bodies and summiting the K-2 in honour and as tribute to his companions. As per instruments and presence of fig8 it is now confirmed that climbers had summited K2 in winters and were frozen to death due to storm on their way back. #MissionSadpara #HonourAliSadpara

— Team Ali Sadpara (@ali_sadpara) July 28, 2021