Gruggarinn Courtney Love hefur nú sakar nýstirnið Oliviu Rodrigo um að hafa hermt eftir plötuumslagi sínu og kallar hún athæfið „dónalegt“ og segist vera „brjáluð“ vegna þessa.
Courtney Love var aðalsöngkona grugg hljómsveitarinnar Hole. Hún og eiginmaður hennar heitinn, Kurt Cobain söngvari hljómsveitarinnar Nirvana, voru áberandi snemma á tíunda áratugnum í grugg senunni sem þá tröllreið tónlistarheiminum.
Olivia Rodrigo er ein vinsælasta stjarna Hollywood í dag. Hún hefur gefið út hverja smáskífuna á fætur annarri sem allar hafa slegið í geg, og gaf nýlega út sína fyrstu breiðskífu sem hefur hlotið mikið lof gagnrýnenda og trónað á toppi vinsældalista frá útgáfu.
Courtney hefur nú sakað Oliviu opinberlega um að hafa stolið plötuumslagshönnun Hole.
Hún deildi mynd af Oliviu á Instagram og skrifaði: „Komið auga á muninn #twinning.“
View this post on Instagram
Olivia deildi nýlega myndinni til að auglýsa tónleikamynd sem kemur út á morgun.
since i never got to go to prom, I wanted to throw a little prom party with my fav ppl (you guys obvs). SOUR prom the concert film comes out Tuesday!!!! 💜💐🔪 @youtubemusic @TMobile pic.twitter.com/7j1dvKVyWP
— Olivia Rodrigo (@Olivia_Rodrigo) June 23, 2021
Courtney virðist þykja of mikil líkindi með mynd Oliviu og umslagi plötunnar Live Through This með Hole sem kom út árið 1994. Á báðum myndunum eru konurnar með kórónu, augnfarða sem lekur og halda á blómvendi – líkt og drottningar lokaballs menntaskólanna í Bandaríkjunum (e.Prom queen)
Olivia svaraði Instagram-færslu Courtney. „Elska þig og lifi mig í gegnum þetta svo mikið.“
Courtney svaraði henni til baka og benti henni á hvar uppáhalds blómabúðin hennar væri og sagðist hlakka til að lesa miðann frá henni.
Courntey tjáði sig enn frekar um málið á Facebook og sagði að þetta allt saman væri „dónalegt“ og gerði hana „brjálaða.“
Hún spurði einnig „kennir Disney krökkum ekki að lesa og skrifa? Það má guð vita. Sjáum til.“
