Eigendur breytanlegra skuldabréfa Alvotech hafa ákveðið að nýta rétt sinn ti þess að breyta skuldabréfunum í hlutafél í félaginu. Um er að ræða upphæð að jafnvirði um 106 milljónum Bandaríkjadala, jafnvirði 13 milljarða íslenskra króna, á gengi sem verðmetur Alvotech á um 300 milljarða króna. Þetta kemur fram í frétt Markaðarins.
Það þýðir að Alvotech er í hópi allra verðmætustu fyrirtækja landsins og er til að mynda verðmætari en Arion banki (244 milljarðar) og álíka verðmætt og Íslandsbanki (196 milljarðar) og Kvika (106 milljarðar) til samans. Hér má sjá lista yfir valin fyrirtæki Kauphallarinnar miðað við gengi dagsins.
Fyrirtæki Verðmæti
Marel 655.356.728.600
Arion banki 244.020.000.000
Íslandsbanki 196.000.000.000
Brim 106.209.692.606
Kvika 105.899.028.612
Síminn 81.507.400.000
Hagar 74.025.160.414
Festi 65.347.000.000
Eimskip 56.764.800.000
Icelandair 45.500.257.045
Eik 36.977.725.098
„Þetta er gríðarlega stór áfangi fyrir Alvotech og staðfesting á því öfluga starfi sem starfsfólk Alvotech hefur unnið að undanförnu,“ segir Róbert Wessman, stjórnarformaður Alvotech, í frétt Markaðarins. Í henni kemur fram að alls hafi verið gefin út breytanleg skuldabréf fyrir 300 milljónir dala, (36 milljarða króna) á gengi þess tíma. Eigendur skuldabréfanna hafi haft rétt til að breyta þeim í hlutafé og í dag hafi fjórðungur þeirra nýtt þann rétt.
Nánar er fjallað um málið á vef Markaðarins.
