Deilur milli Siggu Daggar, Péturs Gauts og Kristínar Pétursdóttur hafa staðið yfir í nokkurn tíma en rekja má rifrildið til kvörtunar frá yngri systur Siggu Daggar vegna hávaða á vinnustofu Péturs Gauts fyrir nokkrum mánuðum. Umrædd vinnustofa listmálarans er í fjölbýlishúsi við Njálsgötu en þar býr yngri systir Siggu Daggar. DV greindi frá málinu í gær en fram að því hafði rifrildið farið á flug á samfélagsmiðlum.
Í umfjöllun DV kom í stuttu máli fram að aðilar málsins voru sammála um að einhver æsingur hafi átt sér stað þetta kvöld en hvorki um hver átti upptökin né hvort líkamlegu ofbeldi hafi verið beitt. Heimildir DV herma að kæra hafi verið lögð fram á hendur Péturs Gauts. Þá kom einnig fram að þetta sé ekki í fyrsta skipti sem kvartað er undan hávaða á fyrrnefndri vinnustofu listmálarans sem gekkst við því að bjóða reglulega til gleðskapar og spila tónlist.
Garðar Örn Arnarson, bróðir Siggu Daggar og hins meinta fórnarlambs, hefur nú blandað sér í umræðuna og birti færslu á Twitter-síðu sína í dag þar sem hann fer ekki fögrum orðum um Pétur Gaut.
Sjá einnig: Sigga Dögg sakar landsþekkt fólk um ofbeldi gegn systur sinni
Garðar vill meina að Pétur hafi sparkað í magann á systur sinni, kallað hana hóru og öðrum illum nöfnum.
Eldri maður sparkar í magann á ungri konu, kallar hana hóru og allskonar illum nöfnum og kemur svo fram í viðtali á DV og þykist vera fórnarlamb sjálfur. Nágrannar hræddir við að koma fram því þeir hræðast manninn. Endilega höldum áfram að peppa þetta gimp https://t.co/1tAL79rGXv
— Garðar Örn Arnarson (@gardarorn23) June 2, 2021
Hann er verulega ósáttur með að Pétur hafi brugðið sér í gervi fórnarlambs í viðtali við DV. Að lokum kallar hann Pétur „gimp“ og segir hann vera heppinn að systir þeirra Siggu hafi ekki hringt í sig þetta kvöld.
Hann má þakka fyrir að litla systir hringdi í stóru systir frekar en stóra bróðir þetta kvöld.
— Garðar Örn Arnarson (@gardarorn23) June 2, 2021
Sigga Dögg sagði frá því á Instagram-síðu sinni í gærkvöldi að nágranni systur sinnar hafi verið vitni að árásinni og hafi sett sig í samband við hana. Hún spurði fylgjendur sína í gærkvöldi hvort fólk ætlaði að trúa þeim sem verða fyrir ofbeldi eða þeim sem beita því.
