Rapparinn Nicki Minaj birti á dögunum nektarmynd á samfélagsmiðlana sína, bæði á Instagram og á Twitter. Á myndinni er Nicki nakin og heldur á tveimur púðum til að hylja sig. Með myndinni skrifar hún „F Ö S T U D A G U R“ og bætir við tjákni (e. emoji) af lygaramerki. Mega aðdáendur hennar því búast við því að hún sé að gefa eitthvað út á föstudaginn.
Nektarmyndin sem Nicki birti hafði þó óvæntar afleiðingar. Þannig er nefnilega mál með vexti að rapparinn klæðist skóm frá Crocs á myndinni en eftir að myndin var birt hafa sölutölur skófyrirtækisins rokið upp um 4.900 prósentustig. Samkvæmt Page Six hrundi sölusíða Crocs eftir að Nicki birti myndina.
Það er ekki vitað hvort Nicki sé í samstarfi með fyrirtækinu eða þá hvort hún sé að gera skó með þeim. Það gæti þó vel verið þar sem nokkrir tónlistarmenn hafa einmitt gert það að undanförnu. Má þar nefna tónlistarstjörnurnar Justin Bieber, Post Malone og J Balvin.
View this post on Instagram
