Raunveruleikastjarnan Kim Kardashian deildi nokkrum myndum af sér við lærdóm í gær. Kim er að læra til lögmannsréttinda og á myndunum er hún í bikiní. En það er ekki það sem hefur vakið hvað mesta athygli, heldur eru það skórnir hennar á þriðju myndinni.
Ýttu á örina til hægri til að sjá myndirnar.
View this post on Instagram
Kim klæðist Yeezy skóm á myndunum. Yeezy er tískufyrirtæki Kanye West, fyrrverandi eiginmanns hennar.
Í byrjun árs 2021 skildu Kim og Kanye að borði og sæng. Kim sótti um skilnað frá Kanye í febrúar. Þau eiga saman fjögur börn, North, Saint, Chicago og Psalm.
Þetta er ekki í fyrsta skipti sem Kim deilir myndum af sér á samfélagsmiðlum í fatnaði frá Yeezy. Í hvert skipti vekur það mikla athygli og velta netverjar því fyrir sér hvort hún sé að senda dulin skilaboð með klæðavalinu. Svo getur það einnig vel verið að hún sé einfaldlega að styðja fyrrverandi mann sinn og barnsföður.
Í apríl 2019 greindi Kim frá því að hún væri orðin starfsnemi hjá lögfræðistofu. Hún vonast til að vera orðinn fullgildur lögfræðingur árið 2022.