Athafnaparið Heiða Kristín Helgadóttir og Guðmundur Kristján Jónsson eiga von á sínu fyrsta barni saman. Birtu þau mynd af sér á samfélagsmiðlum í vikunni þar sem Heiða Kristín fagnaði 38 ára afmæli sínu með fjölskyldunni – kasólétt.

Ákváðu hjónin að tilkynna ekkert um óléttuna sérstaklega og því hafi það þróast svo að það kom mörgum á óvart að sjá fallega ólétta Heiðu á mynd í vikunni. Rigndi hamingjuóskum yfir fjölskylduna í kjölfarið en von er á barninu sem er drengur á næstu vikum.

Heiða Kristín var lengi vel kennd við Besta Flokkinn en starfar í dag sem framkvæmdastjóri Niceland sem hún er einnig einn eiganda að. Guðmundur Kristján starfar hjá Kadeco og er einn stofnenda Planitor. Hjónin eru mjög virk í ýmsu frumkvöðulsstarfi og virðast fá góða hugmyndir á meðan aðrir rista brauð.

Þeirra besta hugmynd lítur svo dagsins ljós á næstu vikum en Heiða er gengin 35 vikur og er því von á fyrsta barni þeirra saman von bráðar. Heiða á tvo drengi af fyrra sambandi en þetta er fyrsta barn Guðmundar. Kom Snorri sonur Heiðu snemma í heiminn svo ekki er ólíklegt að sonur þeirra Guðmunds mæti fyrr en seinna.

Fókus óskar fjölskyldunni innilega til hamingju með hamingjuna!