Stuðningsmenn Leeds United og Liverpool, sameinuðust í baráttusöng, gegn fyrirhuguðum áætlunum um Ofurdeildina svokölluðu, fyrir utan Elland Road, heimavöll Leeds, fyrir leik liðanna í ensku úrvalsdeildinni í kvöld.
Stuðningsmenn héldu á borða sem á stóð: „Ást gagnvart leiks hinnar vinnandi stéttar sem var eyðilagður af græðgi og spillingu.“
Þá sameinuðust stuðningsmenn einnig í söng. „Fjandinn hyrði Ofurdeildina“ og „Sex gráðugir bastarðar,“ var á meðal þess sem var sungið fyrir utan Elland Road, heimavöll Leeds United í kvöld.
Hundreds of fans protesting outside Elland Road. ‘F*** the Super League’ is the chant. Followed by ‘six greedy bastards.’ #LFC #LUFC pic.twitter.com/CVrntEeKjV
— James Pearce (@JamesPearceLFC) April 19, 2021
Tilkynnt var um það í gær að 12 stórlið í Evrópu hefðu sammælst um að setja á laggirnar Ofurdeild, þar sem stærstu lið álfunnar myndu keppa á móti hvort öðru. Sex lið úr ensku úrvalsdeildinni, Arsenal, Chelsea, Manchester United, Manchester City, Liverpool og Tottenham, eru öll hluti af Ofurdeildinni.
Þessar fyrirætlanir hafa ekki farið vel í stuðningsmenn liðanna og Jamie Carragher, sérfræðingur SkySports, hvatti í kvöld stuðningsmenn knattspyrnuliða til þess að standa saman og koma í veg fyrir að deildin verði að veruleika.
