Tottenham þarf að greiða Jose Mourinho rúma 3 milljarða fyrir að reka hann úr starfi, Mourinho var rekinn úr starfi Tottenham í morgun.
Mourinho átti rúm tvö ár eftir af samningi sínum við Tottenham og hefði átt að þéna 30 milljónir punda á þeim tíma.
Ensk blöð segja að Mourinho muni fá um 20 milljónir punda í sinn vasa frá Tottenham, eða 3,5 milljarða íslenskra króna.
Mourinho hefur verið afar sigursæll á ferli sínum en bankabók hans hefur haft það best þegar hann er rekinn, stórar eingreiðslur frá Real Madrid, Chelsea í tvígang, Manchester United og nú frá Tottenham.
Mourinho var rekinn úr starfi eftir slæmt gengi innan vallar en hann hafði verið í stríði við marga af betri leikmönnum félagsins síðustu vikur.
