Íþróttastarf getur hafist að fullum krafti en frá þessu greindi Svandís Svavarsdóttir nú rétt í þessu. Knattspyrnufélög geta því hafið æfingar og keppni. Reglurnar taka gildi á fimmtudag og gilda í þrjár vikur.
„Íþróttir eru heimilar fyrir alla,“ sagði Svandís eftir fund með ríkisstjórn.
Íþróttastarf hefur legið niðri síðustu vikur vegna þeirra takmarkanna sem stjórnvöld hafa sett á landsmenn.
Stefnt er að því að efsta deild karla fari af stað 1 maí sem er viku á eftir áætlun en núverandi reglur sem bannað hafa íþróttastarf hafa gilt í þrjár vikur.
Mótið átti að hefjast eftir rúma viku en liðin fá þá rúmar tvær vikur til að æfa og koma sér í form fyrir átök sumarsins.
