Danielle Bregoli eða Bhad Bhabie eins og hún er betur þekkt sem, var á allra manna vörum árið 2016 þegar hún birtist í sjónvarpsþætti Dr. Phil. Þá var hún aðeins 13 ára gömul en hún er fædd 26. mars árið 2003. Lína sem hún sagði á þættinum sló rækilega í gegn meðal netverja og hafa yfir 48 milljónir horft á klippu úr þættinum á YouTube-síðu Dr. Phil.
Hún byrjaði tónlistarferil undir nafninu Bhad Bhabie og er vinsælasta lagið hennar með yfir 160 milljónir spilanna á Spotify. Í gær byrjaði hún svo að selja myndir og myndbönd af sér á vefsíðunni OnlyFans.
Fyrir áskrift af efni hennar rukkar hún 35 dollara eða tæpar 4.500 krónur á mánuði. Hún stofnaði aðganginn í gær, aðeins sex dögum eftir 18 ára afmælisdag sinn og birti hún á Instagram-síðu sinni hversu mikið hún hefur þénað. Á aðeins sex klukkustundum höfðu áskrifendur borgað henni samtals eina milljón Bandaríkjadala eða 125 milljónir íslenskra króna.
View this post on Instagram
Aldrei hefur neinn aðili grætt svona mikinn pening á vefsíðunni á svona stuttum tíma en að vera með yfir 20 milljónir króna í tímakaup er ekki amalegt.
