Klæðnaður ungrar konu fór svo fyrir brjóstið á nágranna hennar að hann hringdi á lögregluna.
Konan tók upp samskipti sín við lögregluna og deildi myndbandinu á TikTok. Síðan þá hefur myndbandið farið eins og eldur í sinu um netheima og fjalla erlendir miðlar um málið.
Rovi Wade var að taka upp myndband með herbergisfélaga sínum fyrir utan heimili þeirra í Los Angeles.
Rovi var í rifnum gallastuttbuxum, silfurlituðum topp og svörtum háum stígvélum. Kona, sem er nágranni Rovi, kvartaði undan klæðnaði hennar og sagði hann „óviðeigandi“. Rovi sagði konunni að hún hefði fullan rétt á því að vera þarna og þetta væri almannaeign.
Konan hótaði að hringja á lögregluna, en Rovi trúði henni ekki. Nágrannakonan var ekkert að grínast og hringdi í lögregluna sem mætti stuttu seinna á svæðið.
Eins og fyrr segir tók Rovi upp samskipti sín við lögregluna.
„Ég er fullklædd, hún er bara ekki hrifin af stílnum mínum. Og ég sagði við hana: „Líkami minn móðgar þig. Það er vandamálið.“ En ég hef fullan rétt á því að vera til og vera heit, og ég ætla að halda því áfram,“ sagði Rovi við lögregluþjóninn og bætti við: „Ég veit ekki hvað hún býst við að þú gerir.“
Lögregluþjóninn svarar: „Ég skil.“
@rovi_wadelike for outfit reveal😇 ##messytok ##drama ##neighbours ##karen ##cops ##feminist ##fyp ##fypシ ##foryou ##viral
Myndbandið hefur slegið í gegn hjá netverjum og hrósa henni hástert fyrir góð viðbrögð.
@rovi_wadeReply to @zoldyckwitch YOU GUYS ASKED FOR IT!!! HERE’S THE OUTFIT REVEAL!!! ##fyp ##fypシ ##foryou ##viral ##ootd