Þetta kemur fram í uppfærðum tölum á síðunni covid.is. Sextán eru nú í einangrun, en voru fimmtán í gær. 107 eru nú í sóttkví, sami fjöldi og í gær. 886 eru nú í skimunarsóttkví.
Hagkaup greindi frá því í morgun að starfsmaður þeirra í Garðabæ hafi greinst með smit í gærkvöldi. Sá er því annar þeirra sem greindist í gær.
Einn greindist í seinni landamæraskimun í gær en enginn í þeirri fyrri.
Nýgengi innanlandssmita er nú 1,6, en var 1,1 í gær. Nýgengi landamærasmita er nú 3,0, en var 2,7 í gær.
12.707 eru nú fullbólusettir hér á landi og er bólusetning hafin hjá 16.607 til viðbótar.
Alls voru tekin 1.581 einkennasýni hjá sýkla- og veirufræðideild Landspítalans og Íslenskri erfðagreiningu í gær og 353 sýni á landamærunum eða í seinni landamæraskimun.
