fbpx
Miðvikudagur 09.júlí 2025
433Sport

Heitar umræður um Rúnar Alex í Bretlandi: „Hefur einhver verið afskrifaður jafn fljótt?“

Hörður Snævar Jónsson
Miðvikudaginn 3. febrúar 2021 08:42

Rúnar Alex Mynd/Instagram

Ekki missa af Helstu tíðindum dagsins í pósthólfið þitt

Lesa nánar

Heitar umræður hafa skapast í Bretlandi eftir að Rúnar Alex Rúnarsson spilaði sinn fyrsta deildarleik fyrir Arsenal í 2-1 tapi gegn Wolves í gær. Wolves tók á móti Arsenal á Molineux Stadium og komst Arsenal yfir á 32. mínútu eftir glæsilegan einleik Nicolas Pepe og allt stefndi að Arsenal færi með eins marks forystu í fyrri hálfleik en þá gerðist David Luiz varnarmaður Arsenal brotlegur í eigin teig og var rekinn af velli og víti dæmt sem Rúben Neves nýtti og jafnaði metin á fimmtu mínútu uppbótartíma.

João Moutinho kom svo Wolves yfir með mögnuðu langskoti á 49. mínútu og staðan orðin 2-1 Wolves í hag. Bernd Leno gerði sig svo sekann um að handleika boltann fyrir utan vítateig var rekinn af velli.

Rúnar Alex Rúnarsson kom inn í stað Thomas Partey til að verja mark Arsenal og er það söguleg stund fyrir Íslendinga þar sem hann er fyrsti íslenski markmaðurinn til þess að spila í ensku úrvalsdeildinni.

Getty Images

Þetta var fyrsti leikur Rúnars fyrir Arsenal síðan í desember, þá gerði hann mistök í tapi gegn Manchester City í deildarbikarnum. „Óvinsæl skoðun en Rúnarsson gerði vel þrátt fyrir að fara inn svona óvænt, hann er ekki eins slæmur og stuðningsmenn segja,“ skrifar einn stuðningsmaður Arsenal.

Annar bendir á það að fólk hafi afskrifað Rúnar Alex eftir ein mistök. „Ein spurning, hefur einhver verið afskrifaður jafn fljótt eftir eina slæma frammistöðu? Hann átti sök í einu af fjórum mörkum City. Fólk lætur eins og hann hafi aldrei verið skot. Ég segi að við styðjum strákinn“ skrifar annar.

Arsenal fékk Mat Ryan frá Brighton í janúar en hann er meiddur, það eru því allar líkur á því að Rúnar Alex standi vaktina í marki Arsenal þegar liðið mætir Aston Villa um helgina en Bernd Leno verður í banni.

Einn stuðningsmaður Arsenal slær svo á létta strengi og segir. „Var að átta mig á því að ef þú þýðir Rúnar Alex Rúnarsson, er nafnið hans. Rúnar, sonur Rúnars.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 15 klukkutímum

Blikar töpuðu fyrri leiknum í Albaníu

Blikar töpuðu fyrri leiknum í Albaníu
433Sport
Fyrir 16 klukkutímum

Andy Carroll gæti tekið óvænt skref

Andy Carroll gæti tekið óvænt skref
433Sport
Fyrir 19 klukkutímum

Þrjú félög vilja Grealish – City búið að skella verðmiða á hann

Þrjú félög vilja Grealish – City búið að skella verðmiða á hann
433Sport
Fyrir 20 klukkutímum

Newcastle opnar samtalið við enska framherjann

Newcastle opnar samtalið við enska framherjann