Joel Matip er nýjasti leikmaðurinn til að bætast á meiðslalista Liverpool en ekki í fyrsta skipti á tímabilinu þó.

Liverpool hefur átt við talsverð meiðslavandamál að stríða en nú eru þrír miðverðir Liverpool á meiðslalistanum og eru þeir allir fyrstu kostir Jurgen Klopp en það eru þeir Joe Gomez, Virgil Van Dijk og nú Joel Matip.

Fabinho hefur leyst af stöðu miðvarðar mjög vel og Jordan Henderson fyllt í skarðið þegar að þarf en Liverpool hefur nú stillt upp sextán mismunandi miðvarðarpörum á þessu tímabili.

Rhys Williams og Nat Phillips hafa stigið upp og staðið sig vel þegar að á reynir en engu að síður eru Liverpool taldir líklegir til þess að rífa upp budduna til þess að kaupa varnarmann í janúarglugganum eða að fá leikmann á láni til þess að fylla í djúpt skarð sem að Van Dijk hefur skilið eftir í meiðslum sínum.