CrossFit samtökin birtu í gær myndband á Instagram-síðu sinni um dætur Íslands og árangur þeirra í íþróttinni. Í myndbandinu koma fram CrossFit-stjörnurnar Annie Mist Þórisdóttir, Katrín Tanja Davíðsdóttir og Sara Sigmundsdóttir.
„Það er auðvelt að láta Ísland fram hjá sér fara á landakorti. En í CrossFit heiminum er það risastórt. Því af einhverri ástæðu þá er fólkið, sem kallar þetta litla land heimili sitt, í hörkuformi,“ kemur fram í byrjun myndbandsins.
Myndbandið er stutt kynning á landinu og vekur athygli á ótrúlegum árangri íslenskra kvenna í íþróttinni. Myndbandið var tekið upp fyrir nokkrum árum, en samtökin endurbirtu það í gær. Það styttist óðum í nýtt tímabil og byrjar CrossFit Open 11. mars næstkomandi og stendur yfir í þrjár vikur.
CrossFit samtökin eru með yfir 830 þúsund fylgjendur á Instagram. Horfðu á myndbandið hér að neðan.
View this post on Instagram
