Það vakti athygli meðal blaðamanna að boðað hafði verið til blaðamannafundar „í persónu,“ í Hörpu. Tilefnið var tilkynning ríkisstjórnarinnar um hertar aðgerðir. Tilkynningin var send fjölmiðlum klukkan 11:38. Þar kom fram að 20 manna hámark væri á fundinn, og voru fjölmiðlar því beðnir um að senda eins fáa og hægt var. Fundurinn var í salnum Silfurbergi í Hörpu.

„Minnt er á sóttvarnaráðstafanir og fjarlægðarmörk og er fjölmiðlafólk vinsamlegast beðið um að bera andlitsgrímu,“ sagði í tilkynningunni.

Hertu aðgerðirnar sem tilkynntar voru um fólu meðal annars í sér að takmarkanirnar munu framvegis eiga við um börn fædd 2015 og síðar, en hingað til hafa börn fædd 2005 og síðar verið undanskilin, og að fjöldatakmörkun yrði færð úr 20 í 10. Munu aðgerðirnar taka gildi á miðnætti.

Furðu vekur að ríkisstjórnin skuli boða til 20 manna fundar þar sem tilkynna skal 10 manna fjöldatakmörkun, og að ekki skuli hafa verið boðað til fundarins með fjarfundabúnaði. Slíkur háttur hefur til dæmis verið hafður á upplýsingafundum almannavarna um langa hríð og þykir hafa gefist vel.