Kun Aguero, leikmaður Manchester City mun ekki fá refsingu fyrir að hafa rifið í aðstoðardómarann Sian Massey-Ellis í leik City við Arsenal í gær.
Pep Guardiola, knattspyrnustjóri Manchester City, var spurður út í atvikið á fréttamannafundi eftir leik liðanna í gær.
,,Virkilega? Aguero er ein viðkunnanlegasta manneskja sem ég hef kynnst. Leitið að vandamálum í öðrum málum, ekki þessu,“ sagði Guardiola við fréttamenn.
Micah Richards, fyrrverandi samherji Aguero hjá Manchester City, tjáði sig um atvikið á SkySports.
,,Hann hefði geta sleppt því að gera þetta. Þú verður að bera virðingu fyrir dómurum leiksins. Mér finnst hún (aðstoðardómarinn) taka vel á þessu atviki í leiknum,“ sagði Micah Richards.
Þá tjáði þingmaður breska þingsins Dr Rosena Allin-Khan, sig um málið á Twitter.
,,Hver heldur Aguero að hann sé? Þetta er óásættanlegt,“ stóð í færslu þingmannsins.
Who does Aguero think he is?
Completely unacceptable.pic.twitter.com/fJ7L6zI2bt— Dr Rosena Allin-Khan (@DrRosena) October 17, 2020