Könnunin var gerð 2. til 9. október og byggir á svörum 1.045 manns, eldri en 16 ára.
Emily Gray, forstjóri Ipsos Mori í Skotlandi, sagði að niðurstöðurnar muni blása vindi í segl þjóðernissinna en stuðningsmenn áframhaldandi veru Skotlands í Bretlandi fagni ekki.
Skotar kusu um sjálfstæði 2014. Þá vildu 45% sjálfstæði en 55% töldu hagsmunum landsins best borgið í sameinuðu konungsríki með Englandi, Wales og Norður-Írlandi.
Ein stærstu rök nei-sinna þá voru að Skotar myndu missa aðild sína að ESB ef landið væri ekki lengur hluti af Bretlandi en nú hafa Bretar sagt skilið við ESB og það hefur væntanlega áhrif á afstöðu margra.
