Eins og fram hefur komið er allt starfslið A landsliðs karla komið í sóttkví samkvæmt ákvörðun smitrakningateymisins, vegna Covid-smits starfsmanns. Enginn af leikmönnum íslenska liðsins er þó kominn í sóttkví og mun leikur Íslands og Belgíu í Þjóðadeild UEFA fara fram samkvæmt áætlun á miðvikudagskvöld.
Meira:
Uggur í landsliðsmönnum sem fá enga meðhöndlun – Hamren og Freyr verða á vellinum á morgun
Þessi staða þýðir þó að manna þarf starfsmannateymi íslenska liðsins upp á nýtt fyrir þennan eina leik þar sem hvorki þjálfarar né aðrir starfsmenn liðsins geta verið viðstaddir. Í þjálfarateyminu gegn Belgum verða Arnar Þór Viðarsson þjálfari U21 landsliðs karla og Davíð Snorri Jónasson þjálfari U17 landsliðs karla, sem og Þórður Þórðarson þjálfari U19 landsliðs kvenna, sem verður markmannsþjálfari.
Eins og við greindum frá í kvöld verða Erik Hamren og Freyr Alexandersson þjálfarar liðsins á vellinum í glerbúri þar sem enginn kemst til þeirra. Þeir geta komið skilaboðum á bekkinn þannig.
Aðrir starfsmenn liðsins koma úr röðum A landsliðs kvenna og yngri landsliða karla og kvenna.
Meira:
Uggur í landsliðsmönnum sem fá enga meðhöndlun – Hamren og Freyr verða á vellinum á morgun