Fyrirsætan Chrissy Teigen opnar sig í einlægri færslu um að hún hafi missti fóstur. Hún og eiginmaður hennar, John Legend, áttu von á sínu þriðja barni.
Chrissy deilir sorgarfregnunum á samfélagsmiðlum ásamt fallegum og harmþrungnum myndum. Hún segir að ástæðan fyrir fósturmissinum hafi verið blæðing sem var ekki hægt að stöðva.
„Við erum í áfalli og finnum fyrir sársauka sem maður heyrir bara um, sársauka sem við höfum aldrei fundið fyrir áður,“ segir hún.
„Við höfum aldrei ákveðið nöfn barnanna okkar fyrr en þau fæðast, eða rétt áður en við förum af spítalanum. En fyrir einhverja ástæðu byrjuðum við að kalla þennan litla gaur Jack. Þannig hann mun alltaf vera Jack í okkar huga. Jack reyndi að verða hluti af okkar fjölskyldu, og hann mun alltaf vera það, að eilífu.“
https://www.instagram.com/p/CFyWQLWpJ3u/
Hjónin greindu frá óléttunni í ágúst og að þrátt fyrir að hún hafi verið óvænt þá hafi hún verið hún kærkomin. Þau hafa átt við frjósemisvandamál að stríða og voru börnin þeirra, Luna og Miles, getin með tæknifrjóvgun.
