Fyrir tveimur árum eignaðist Hilary Duff dóttur sína, Banks. Á þeim tíma sagði hún frá því að hún geymdi fylgjuna og setti hana í þeyting (e. smoothie) sem hún drakk síðan.
„Þetta var besti hristingur sem ég hef fengið. Ég hef ekki smakkað svona góðan hristing síðan ég var tíu ára gömul. Hann var fullur af kaloríum, djúsi og ávöxtum og var æðislegur,“ sagði Hilary í viðtali í nóvember 2018.
Hilary var á dögunum gestur í hlaðvarpsþættinum Good For You með Whitney Cummings. Hún sagði að henni þykir það „ennþá ógeðslegt“ að hugsa til þess að hún hafi drukkið fylgjuna sína. Ástæðan fyrir því að hún hafi ákveðið að innbyrða hluta af fylgjunni var vegna allra vítamínanna og næringarefnanna í fylgjunni.
„Ég borðaði ekki alla fylgjuna, setti bara smá í þeyting með banana, jarðarberjum og fann ekki einu sinni bragðið,“ segir Hilary.
Horfðu á hana segja frá því hér að neðan.
Today the great @HilaryDuff is on the podcast and I may have ruined her career pic.twitter.com/hZmHgF0OYk
— Whitney Cummings (@WhitneyCummings) September 23, 2020
