Ragnar Þór Ingólfsson, formaður VR, segist ekki ætla að verja lífskjarasamninginn og því sé hann fallinn. Mbl.is greinir frá, en Ragnar lét þessa skoðun í ljós á fundi með þjóðhagsráði í gær.

„Miðað við stöðuna eru lífs­kjara­samn­ing­arn­ir falln­ir. Við mun­um ekki verja samn­ing­inn miðað við óbreytta stöðu,“ seg­ir Ragn­ar við mbl.is.

Ástæðan er að ríkisstjórnin hafi ekki staðið við loforð um að afnema 40 ára verðtryggð jafngreiðslulán, né loforð um hlutdeildarlán.

„Staða þess­ara tveggja mála ger­ir það að verk­um að samn­ing­arn­ir eru falln­ir. Ábyrgðin er rík­is­stjórn­ar­inn­ar og fjár­málaráðuneyt­is­ins. Ég er bú­inn að hafa sam­band við fé­laga okk­ar í Efl­ingu til að funda um stöðuna og mögu­leg­ar aðgerðir í haust.“

Traustið ekki til staðar

Ragnar segir undarlegt að ríkisstjórnin vilji fara þessa leið:

„Það þarf að ræða fram­haldið og næstu skref. Þegar traustið er ekki til staðar er ekki von á góðu. Því miður. Ég skil ekki rík­is­stjórn­ina að fara með verka­lýðshreyf­ing­una í fang­inu inn í næstu þing­kosn­ing­ar. Það er dap­ur­legt að horfa upp á að lífs­kjara­samn­ing­arn­ir skuli falla á vanefnd­um rík­is­stjórn­ar­inn­ar sem er að leita eft­ir trausti til að vinna sig í gegn­um kór­ónukrepp­una. Það er mjög dap­ur­leg niðurstaða,“

seg­ir Ragn­ar Þór. Hann minnir á að hinn 1. sept­em­ber virkist end­ur­skoðun­ar­á­kvæði lífs­kjara­samn­ings­ins þar sem þróun kaup­mátt­ar og efnd­ir stjórn­valda vegna samn­ings­ins verða tek­in til end­ur­skoðunar.