CrossFit-stjarnan Katrín Tanja Davíðsdóttir fordæmir hegðun og rasísk ummæli forstjóra CrossFit, Greg Glassman, varðandi Black Lives Matter. Katrín tjáir sig um málið á Instagram, þar er hún með 1,8 milljón fylgjendur, og birtir tvö skjáskot máli sínu til stuðnings.
Eitt af því er af færslu Greg á Twitter þar sem hann gerir lítið úr Black Lives Matter hreyfingunni. Hitt skjáskotið er af tölvupósti sem Greg sendi á konu að nafni Alyssa. Hægt er að sjá bæði skjáskotin með því að ýta á örina til hægri á færslu Katrínar Tönju.
https://www.instagram.com/p/CBJGwcVJjUJ/
„Ég skammast mín, og er virkilega vonsvikin og reið vegna þess sem hefur verið í gangi undanfarna daga hjá samtökum sem ég hef tileinkað mér, lagt svo mikið á mig fyrir og verið stolt að standa fyrir,“ segir Katrín Tanja.
Hún bætir við að fólk sjái um hvað hún er að tala ef það skoðar næstu tvær myndir.
„Þetta er ekki leiðtogi. Þetta er ekki gott mannlegt eðli,“ segir Katrín Tanja.
„Ég hef ekki haft mikinn tíma til að vinna úr þessu […] eða tala við þá sem eiga í hlut að máli, en til að byrja með ætla ég að hafa þetta svona. Ég veit ekki hvað þetta þýðir fyrir mig eða íþróttina. En ég veit að þetta er ekki rétt og það þarf að segja það.“
Fleiri CrossFit-stjörnur hafa fordæmt hegðun forstjóra CrossFit, eins og Annie Mist, Brooke Wells og fyrirtækið No Bull.
https://www.instagram.com/p/CBJoxorHHkY/
https://www.instagram.com/p/CBJUC5FhJOk/
https://www.instagram.com/p/CBJQJxSJ5aF/
https://www.instagram.com/p/CBJPpimDAyn/
https://www.instagram.com/p/CBJdY1yFjLz/
