Cristiano Ronaldo leikmaður Juventus slær ekki slöku við á tímum kórónuveirunnar en kappinn æfir meira en áður.

Ronaldo æfði vel á meðan hann var í Portúgal í einangrun og eftir að hann snéri aftur til Ítalíu hefur hann gefið í.

Erlendir miðlar fjalla um það að Ronaldo sé þessa dagana mættur fjórum tímum áður en æfing hefst. Flestir leikmenn Juventus mæta bara þegar þeir eiga að mæta.

Ronaldo vill hins vegar æfa sjálfur fyrst til að vera í sínu besta formi. Sagt er í frétt AS um málið að Ronaldo sé nú í talsvert betra formi en fyrir kórónuveiruna og ekki var hægt að kvarta yfir standinu á honum þá.

Boltinn í Seriu A fer að rúlla aftur af stað og ætlar Ronaldo að slá í gegn á nýjan leik.