Rúmlega 99 prósent félagsmanna Eflingar sem greiddu atkvæði um kjarasamning við Samband íslenskra sveitarfélaga samþykktu samninginn. Aðeins einn greiddi atkvæði gegn samningnum og enginn tók ekki afstöðu.

„Með þessum samningi náðust sambærilegar kjarabætur fyrir félagsmenn okkar sem starfa hjá Kópavogsbæ, Seltjarnarnesi, Mosfellsbæ, Hveragerði og Ölfus og í samningum Eflingar við Rvk, ríki og Faxaflóahafnir. Við hljótum að fagna því og ég er stolt af staðfestu félagsmanna okkar í verkfallsaðgerðum á erfiðum tímum þar sem samstaðan og baráttuviljinn skilaði þeim sanngjarnri leiðréttingu og betri kjörum” er haft eftir Sólveigu Önnu Jónsdóttur, formanni Eflingar, í tilkynningu til fjölmiðla.

Atkvæðagreiðsla var rafræn og fór fram á tímabilinu 18.-22. maí.