Rapparinn 6ix9ine ætlaði að gefa 30 milljón krónur til No Kid Hungry-herferðarinnar. Samtökin Share Our Strenght ,sem standa fyrir herferðinni, höfnuðu framlagi hans.
Forsvarsmenn herferðarinnar sögðu að samtökin fylgja ákveðinni stefnu að hafna framlögum frá styrktaraðilum sem samræmast ekki þeirra gildum.
Rapparinn, sem heitir réttu nafni Daniel Hernandez, losnaði nýlega úr fangelsi og var fyrir það meðlimur í ofbeldisfullu gengi. Hann segir ákvörðun samtakanna „grimmdarlega“.
Í samtali við BBC sagði talsmaður Share Our Strenght að samtökin væru þakklát fyrir framlagið en ætluðu engu að síður að hafna því.
„Þar sem að herferðin snýr að börnum þá er það okkar stefna að hafna framlögum frá styrktaraðilum sem samræmast ekki markmiði okkar og gildum.“
Rapparinn sagði á Instagram að hann hafi „aldrei séð neitt jafn grimmilegt“. En síðan þá hefur hann eytt færslunni.