Jurgen Klopp, stjóri Liverpool ræddi á dögunum við hlaðvarpsþátt félagsins um lífið í Bítlaborginni. Óvíst er hvenær Liverpool hefur leik aftur, en útgöngubann er á Bretlandi vegna kórónuveirunnar.
Klopp var spurður út í það, hver væru hans bestu kaup til Liverpool og hann var fljótur til svars. ,,Það er Trent Alexander-Arnold,“ sagði Klopp.
Trent var hins vegar ekki keyptur til félagsins. ,,Við þurftum ekki að kaupa hann, Pep Lijnders kom með hann og sagði við mig. Hann spilar á miðjunni, hann spilar sem bakvörður og kantmaður.“
,,Svo byrjaði hann að æfa með okkur, hann var bara ekki í nógu góðu formi.“
,,Hann var bara krakki, en ég sá strax að hann var góður knattspyrnumaður. Svo gerði hann mistök en við gáfumst ekki upp á honum.“
Trent er í dag einn besti hægri bakvörður í heimi og hefur reynst Klopp afar vel.
