COVID-19 er áður óþekkt tegund af kórónuveiru en margir telja að Nostradamus hafi spáð fyrir um heimsfaraldur af völdum COVID-19 í spádómi frá 1555! Samsæriskenningasmiðir og þeir sem telja sig geta lesið í spádóma Nostradamusar telja engan vafa leika á að hann hafi séð faraldurinn fyrir.
Michele de Nostredame, betur þekktur sem Nostradamus, var læknir og rithöfundur sem margir telja að hafa búið yfir spádómsgáfu. Þeir sem trúa á hæfileika hans í þessum efnum eru sannfærðir um að hann hafi spáð fyrir um ris Adolf Hitler og valdatöku hans í Þýskalandi og ýmislegt annað. Þessir meintu spádómar koma fram í bók Nostradamusar, Les Propheties, sem var gefin út 1555.
Spádómarnir eru settir fram í torræðum fjögurra línu ljóðum. Þessi stuttu ljóð eru frekar veikburða hvað varðar texta og í þeim kemur sjaldan neitt fram um staðsetningar eða fólk en samt sem áður telja margir sig geta lesið eitt og annað um framtíðina úr þeim.
Að undanförnu hafa „sérfræðingar“ í boðskap Nostradamusar farið mikinn á internetinu í túlkun á spádómum hans. Einn sagðist til dæmis geta lesið út úr skrifum hans að hann hafi spáð fyrir um COVID-19 og heimsfaraldurinn og að Donald Trump myndi smitast af veirunni.
Annar segist lesa spá um að heimsstyrjöld brjótist út á árinu út úr spádómum hans og að hún verði ekki háð með hefðbundnum vopnum.
„Kórónuveira er vopnið.“
Segir hann.
En það er kannski athyglistvert við allar þessar samsæriskenningar og túlkanir á spádómum Nostradamusar að þær eru settar fram eftir að atburðirnir eiga sér stað. Fáir virðast geta túlkað spádóma hans áður en þeir rætast.