„Þótt það hljómi kannski ótrúlega þá er það þannig að ekkert nýtt kom fram. Enn eina ferðina erum við í þeim sporum að hafa mætt öll af vilja gerð til að finna lausn, en gengið burt af fundi með ekkert nýtt í höndunum og ekkert fram undan nema áframhaldandi verkfallsaðgerðir,“ sagði Sólveig Anna í samtali við fréttastofu RÚV eftir viðræðirnar.
Þá greinir RÚV frá því að Efling hafi gagnrýnt það eftir fundinn viðræðurnar hafi ekki verið í takti við það sem Dagur B. Eggertsson borgarstjóri hefur talað um í fjölmiðlum.
„Við litum svo á eftir að borgarstjóri talaði um fyrirætlanir borgarinnar til að mæta kröfum okkar, að það væri kominn góður samningsgrundvöllur. Við komum á þennan fund með þá von í brjósti en því miður þá virðist svo vera að þó hann haldi einhverju fram í fjölmiðlum, þá raungerist það ekki í neinu sem samninganefndin sýnir okkur svo.“
Harpa segir Eflingu hafa slittið viðræðunum í dag. „Ég hafna því alfarið,“ sagði Harpa þegar hún var spurð að því hvort tilboðið sem Dagur hefur talað um í fjölmiðlum hafi ekki verið á samnningaborðinu.
„Það er náttúrulega þannig að þarna vorum við sérstaklega að lýsa yfir hækkun starfsmanna á leikskólum. Við höfum líka verið í löngum samtölum um hvernig við erum að nálgast starfsmenn sem eru í umönnun og vaktavinnu. Þar eru líka verulegar leiðréttingar. Ég get bara nefnt sem dæmi að við erum að sjá starfsmann sem er að hækka um 33% á samningstímanum. Styttingin hjá vaktavinnufólki er mun meiri en við höfum verið að boða,“