Raheem Sterling, kantmaður Manchester City er byrjaður að daðra við Real Madrid en hann fór í viðtal við AS á Spáni.

Sterling hefur lengi verið orðaður við Real Madrid og verði City dæmt í bann frá Meistaradeildinni, aukast líkur á að hann reyni að fara.

Sterling er 25 ára gamall og hefur bætt leik sinn gríðarlega eftir að hann kom til City frá Liverpool.

,,Ég er leikmaður City en skoða alltaf nýja áskorun, ég er ánægður hjá City og er með samning þar,“ sagði Sterling.

,,Real Madrid er frábært félag, þegar þú sérð hvítu treyjuna þeirra þá veistu fyrir hvað félagiðs tendur. Þetta er risi.“

,,Ég sé þennan orðróm alltaf, en ég er leikmaður og nýt þess.“