Jón Daði Böðvarsson, er einkar ánægður með lífið hjá Milwall eftir að Gary Rowett tók við þjálfun liðsins. Rowett hefur gefið Jóni Daða talsvert traust.
Jón Daði skoraði í 1-1 jafntefli gegn Fulham í vikunni og hrósaði stjóra sínum. ,,Hann hefur bætt okkur, gefið okkur trú. Talað um hæfileika okkar, því við eigum marga góða leikmenn,“ sagði Jón Daði.
,,Við erum með miklu meira sjálfstraust til að sækja og vera skapandi. Við erum ekki bara að sparka langt og elta boltann.“
,,Hann hefur sett tóninn frá fyrsta degi og hefur reynst okkur frábærlega.“
Jón Daði er lykilmaður í íslenska landsliðinu og vill vera í sínu besta formi í lok mars, þegar Ísland fer í umspil um laust sæti á EM. ,,Ég vil byrja eins marga leiki og mögulegt er,“ sagði sóknarmaðurinn knái.
,,Sem framherji viltu fá nokkra leiki í röð, til að fá sjálfstraustið. Ég skil vel að við erum með aðra framherja sem hafa staðið sig vel í ár.“
,,Mitt markmið fyrir restina af þessu tímabili er að skora eins mikið og hægt er til að koma liðinu, hærra upp töfluna.“