Cristiano Ronaldo, leikmaður Juventus, var fullur þegar Portúgal fagnaði sigri á EM árið 2016.
Ronaldo greindi sjálfur frá þessu en hann fór meiddur af velli á 25. mínútu er Portúgal vann Frakkland í úrslitum.
Ronaldo upplifði margar tilfinningar eftir meiðslin og endaði á því að leita í kampavínið.
,,Stærstu verðlaun ferilsins var EM með Portúgal. Það var ótrúlegt og ógleymanlegt kvöld,“ sagði Ronaldo.
,,Ég grét, ég hló, öskraði, ég varð fullur og ég þurfti að þjást. Á meðan leiknum stóð þá grét ég svo mikið og þurfti á vökva að halda.“
,,Eftir leikinn í fagnaðarlátunum þá þambaði ég kampavínsglas og það hafði strax áhrif. Ég drekk aldrei en þetta var svo sérstakt.“
