Hvalir eru betri til að taka CO2 í sig en tré segja vísindamenn. Það eru því ekki bara tré sem geta leyst loftslagsvandann eða að minnsta kosti dregið úr honum. Vísindamenn og sérfræðingar hjá Alþjóðagjaldeyrissjóðnum segja að ef við viljum gera eitthvað í CO2 vandanum án þess að eyða peningum og kröftum í tæknilegar lausnir þá eigum við að veðja á að fjölga hvölum í heimshöfunum.

Á grunni eldri rannsókna hafa þeir reiknað út hversu miklu magni af CO2 hvalir halda frá andrúmsloftinu. Niðurstaðan er að hvalur tekur að meðaltali 33 tonn af CO2 í sig á lífsleiðinni. Til samanburðar má nefna að tré getur tekið í sig allt að 22 tonn á ári. Þegar hvalur drepst endar hann á hafsbotni. Þangað fer CO2 með honum fer inn í vistkerfið í djúpi hafsins og geta mörg þúsund ár liðið þar til það kemur upp og lendir í andrúmsloftinu á nýjan leik.

Í umfjöllun Danska ríkisútvarpsins um málið var rætt við Mark Payne hjá danska tækniháskólanum um þetta. Hann sagði það magn CO2 sem hvalir taka í sig ekki skipta miklu máli þegar heildarmyndin er skoðuð. Magnið sem þeir taki í sig svari til losunar Færeyja á CO2 á ári og það sé ekki mikið magn.