„Ef þið viljið birta þessa frásögn mína þá held ég að hún gæti kannski hjálpað einhverjum öðrum sem hefur lent í svipuðu, eða hjálpað fólki að skilja aðstöðu þeirra sem er jaðarsettir og kerfið hefur enginn úrræði fyrir.“
Svona hefst bréf sem DV barst frá manni sem kýs að koma fram nafnlaus. Við köllum hann Sigurjón. Sigurjón varð fyrir kynferðisofbeldi þegar hann var nítján ára. Við birtum hér frásögn hans.
„Mér var nauðgað af konu, oft þegar ég var 19 ára. Ég var á götunni og hafði í fá og stundum engin hús að vernda.
45 ára gömul drykkjukona, sem bjó hliðiná mér og barnsmóður minni áður en ég sökk í heljargrip, reyndi mikið að fá mig til sín með loforðum um dóp og gistingu. Ég lét mig alltaf hverfa þegar hún leitaði á mig því ég laðaðist ekki að henni.
Hún var á svipuðum aldri og mamma, en þegar vetrarharkan var sem verst úti og ég búin að vera á vergangi svo dögum skipti gat hún nýtt sér þær aðstæður. Hún var voða næs fyrst en þegar það tók að kvölda og veðrið brjálað kom krafan um kynlíf, já eða að drulla sér út.
Ég held það sé mjög erfitt fyrir meðalmanninn að skilja þessar aðstæður, ég lét mig hafa það að ríða henni og leið mjög ógeðslega á meðan. Ég skildi ekki þennan sviða og sting í sálinni. Það allra versta var þegar ég náði honum ekki upp og hún heimtaði að fá að sjúga mig í gang, sem gekk ekki. Hún reyndi og reyndi í kannski 2-3 tíma og hótaði mér inn á milli að henda mér út ef þetta gengi ekki hjá mér.
Hún reyndar henti mér ekki út, en hún svívirti mig alla nóttina, kallaði mig getulausan aumingja og homma margoft, það var ekki fyrr en mörgum árum seinna sem ég skildi að þarna í þessari íbúð var mér í raun nauðgað, í nokkur skipti. Mér líður ennþá mjög illa yfir þessu og ég skammast mín of mikið til að ræða þetta við vini eða fjölskyldu. Ég ræddi þetta til dæmis aldrei í þau 5 ár sem ég var í sambandi.
Það er ógeð að nýta sér yfirburðastöðu á þennan máta, þetta breytti mér varanlega og ég erfitt með nánd. Mig grunar að fleiri karlmenn hafi lent í þessu en fólk almennt áttar sig á.“
Hægt er að panta tíma með því að hringja í síma 562-6868. Einnig er hægt að panta tíma með því að senda póst á stigamot@stigamot.is eða að hafa beint samband við ráðgjafa með tölvupósti.
