Þýski bílaframleiðandinn Volkswagen ætlar nú að veðja á rafmagnsbíla sem bíla framtíðarinnar. Fyrirtækið ætlar að fjárfesta fyrir 60 milljarða evra í þróun og smíði rafmagnsbíla næstu fjögur árin. Fyrirtækið ætlar að þróa 75 mismunandi tegundir rafmagnsbíla og 60 tegundir tvinnbíla.

Fyrirtækið kynnti þessa áætlun sína síðasta föstudag. Stjórnarformaður fyrirtækisins, Dieter Poetsch, sagði að Volskwagen muni beina fjárfestingum sínum að hreyfanleika framtíðarinnar.

Fyrirtækið ætlar að smíða 26 milljónir rafmagnsbíla fram til 2029 og þarf því að smíða nýja verksmiðju. Ákvörðun um staðsetningu hennar verður tekin fyrir árslok.