Valdís Þóra Jónsdóttir atvinnukylfingur úr Leyni á Akranesi hefur fengið það staðfest að hún fái keppnisrétt á Opna bandaríska meistaramótinu í golfi. Mótið er eitt af fimm risamótum hvers árs og verður Valdís Þóra á meðal keppenda. Þetta kemur fram á vefnum golf.is
Valdís Þóra verður önnur konan til að leika á þessu risamóti í golfi. Ólafía Þórunn Kristinsdóttir var fyrsti íslenski kylfingurinn til að afreka slíkt. Í dag fékk hún símtal þess efnis að hún væri á keppendalistanum. Valdís er í skýjunum en hún segir á Facebook um tíðindin.
„Ég var að fá símtal rétt í þessu… og ÉG ER KOMIN INN Í OPNA BANDARÍSKA Ætla að reyna sofna núna og hvíla mig fyrir hringinn á morgun, gangi mér vel með það“
Mótið fer fram á Bedminster í New Jersey, dagana 13.-16. júlí.
