Á myndinni má sjá ADHD Norðurland auglýsa opinn spjallfund um starf ADHD samtakanna, þær áskoranir sem fólk með ADHD mætir í dagsins önn og hvernig er hægt að auka lífsgæði okkar allra.
Þetta væri ekki til frásögu færandi nema ADHD Norðurland gleymdu einum mikilvægasta punktinum við fundinn. Sérð þú hvað vantar í auglýsinguna?
Ef þú kemur ekki auga á það hvað vantar þá er það útskýrt fyrir neðan myndina.
Í auglýsingunni koma ýmsar upplýsingar fram. Það kemur fram hvort það kosti inn á fundinn eða ekki og að það sé heitt á könnunni. Síðan eru mikilvægar upplýsingar sem miða að því að vísa fólki á fundinn, staðsetning og klukkan hvað fundurinn byrjar.
Ef vel er að gáð má þó sjá að það hefur gleymst að setja dagsetningu fundarins í auglýsinguna og því gæti það reynst erfitt fyrir áhugasama að mæta á fundinn. Á heimasíðu ADHD-samtakanna kemur þó fram að fundurinn fari fram á morgun, fimmtudaginn 17. október.