Ástæðan fyrir þessu er sú að klúbburinn heldur kynlífspartí fyrir hina ríku og frægu. Klúbburinn er með starfsemi um allan heim, meðal annars í Beverly Hills og Moskvu. Til að komast í klúbbinn þarf að sækja um inngöngu en það hafa ekki allir tök á að borga fyrir það þar sem meðlimagjaldið er afar hátt.
Til allrar hamingju þá höfum við venjulega fólkið þó tök á því að líta inn um dyrnar á þessum kynlífsklúbb en Daily Star tók viðtal við stjórnendur klúbbsins á dögunum.
Umsækjendur þurfa að gefa klúbbnum fullt nafn og fæðingardag ásamt starfsheiti svo hægt sé að meta það hvort þeir séu „hæfir“ til að ganga í klúbbinn. Einnig þurfa þeir að segja frá fantasíunum sínum og gefa upp hvað það sé sem kveikir í þeim. Þetta þarf allt að koma fram ásamt sjálfsmyndum svo hægt sé að eiga möguleika á inngöngu. Síðan komast eingöngu þeir inn sem eru annað hvort nógu fallegir eða frægir.
„Snctm er þekktur sem „Kynlífsklúbbur elítunnar“ vegna þess að það kemst ekki hver sem er inn í hann auk þess sem viðburðirnir okkar eru í hæsta gæðaflokki. Við erum afar vandlát þegar kemur að því að velja hver fær að komast í klúbbinn.“
Stjórnendur klúbbsins segja að meðlimir hópsins séu mjög ríkir og þekktir í sínum bransa. Þeir segja að klúbburinn komi til móts við fágaðar sérþarfir meðlimanna auk þess sem allt sem fer fram á vegum klúbbsins sé fyrsta flokks á alla vegu.
Ef umsækjendur eru samþykktir sem meðlimir þá er þó einungis fyrsta skrefið komið þar sem einnig þarf að borga fyrir inngöngu á viðburðina. Fallegustu konurnar og frægasta fólkið getur fengið að sleppa við það að borga en aðrir þurfa að borga allt að 300 þúsund íslenskar krónur fyrir inngöngu á viðburð. Ef meðlimir vilja fá einkaherbergi þurfa þeir að kaupa árgjald en það kostar 9.5 milljónir í íslenskum krónum á ári.
Við inngöngu á viðburði þurfa allir að setja upp eins konar grímu svo ekki sé hægt að bera kennsl á meðlimina. Öryggisverðir sjá til þess að einungis meðlimir klúbbsins fái að sjá það sem er fyrir innan dyr klúbbsins.
Myndatökur eru ekki leyfðar á viðburðum klúbbsins en síðan eru fleiri reglur sem allir þurfa að fylgja.
„Fyrsta reglan í Snctm er samþykki – við spyrjum alltaf áður en við snertum. Ef einhver brýtur þessa reglu er honum tafarlaust hent út og bannaður frá öllum viðburðum klúbbsins. Símar og svipuð tæki eru einnig bönnuð en öryggisverðir sjá til þess að enginn taki nein svoleiðis tæki inn með sér.“
Þjónn tekur á móti meðlimum og býður þeim upp á kampavín en fólk eru hvatt til að kynnast nýju fólki og njóta þess að vera með því. Sumir upplifa fantasíurnar sínar þarna inni en til að mynda eru orgíur algengar innan veggja klúbbsins auk þess sem fólk skiptist á mökum.
